میں جو یہ آشیاں بناتا ہوں
ناطق لکھنویمیں جو یہ آشیاں بناتا ہوں
برق کو میہماں بناتا ہوں
عشق کی شرح آج تک نہ ہوئی
روز اک داستاں بناتا ہوں
کوئی مرکز تو ہو بلاؤں کا
اس لئے آشیاں بناتا ہوں
تا وہ ہو بے خودی میں جلوہ نما
لا مکاں کو مکاں بناتا ہوں
مشق شعر و سخن سے میں ناطقؔ
ان کے قابل زباں بناتا ہوں
main jo ye ashiyan banata hun
barq ko mehman banata hun
ishq ki sharh aj tak na hui
roz ik dastan banata hun
koi markaz to ho balaon ka
is liye ashiyan banata hun
ta wo ho be khudi mein jalwa numa
la makan ko makan banata hun
mashq-e-sher-o-sukhan se main natiq
un ke qabil zaban banata hun