میں سراپا مظہر اسم خدا واللہ ہوں

میں سراپا مظہر اسم خدا واللہ ہوں

ہم صفیرو اس چمن میں مرغ بسم اللہ ہوں

کس طرف جاؤں دکھا دو یا محمد راہ حق

یاں ہر اک گمراہ کہتا ہے میں خضر راہ ہوں

اے مسیحا تیری زلفوں کی درازی دیکھ کر

کہتی ہی عمر خضر میں گیسوۓ کوتاہ ہوں

آسماں پر بھی سیہ بختی میں ہے میرا دماغ

خال روۓ مہر ہوں داغ جبین ماہ ہوں

کہہ رہی ہے آسماں سے یار کے گھر کی زمیں

طور ہوں صحرائے ایمن ہوں تجلی گاہ ہوں

بیٹھنا کیسا ادھر آیا ادھر راہی ہوا

دن جو ہوں تو مختصر ہوں شب جو ہوں کوتاہ ہوں

اللہ اللہ کیا ہے ان کے پاؤں کی ٹھوکر کا لطف

ہے ہر اک بت کی تمنا کاش سنگ راہ ہوں

روز محشر سے وزیرؔ افزوں ہے اس کافر کا طول

اب بھی کہتی ہے شب فرقت بہت کوتاہ ہوں

main sarapa mazhar-e-ism-e-khuda wallah hun

ham safiro is chaman mein murgh-e-bism-e-allah hun

kis taraf jaun dikha do ya mohammad rah-e-haq

yan har ik gumrah kahta hai main khizr-e-rah hun

ai masiha teri zulfon ki darazi dekh kar

kahti hi umr-e-khizr mein gesu-e-kotah hun

asman par bhi siyah bakhti mein hai mera dimagh

khal-e-ru-e-mehr hun dagh-e-jabin-e-mah hun

kah rahi hai asman se yar ke ghar ki zamin

tur hun sahra-e-eman hun tajalli gah hun

baithna kaisa idhar aya idhar rahi hua

din jo hun to mukhtasar hun shab jo hun kotah hun

allah allah kya hai un ke paon ki thokar ka lutf

hai har ik but ki tamanna kash sang-e-rah hun

roz-e-mahshar se wazir afzun hai us kafir ka tul

ab bhi kahti hai shab-e-furqat bahut kotah hun