میں نے جو بے کسانہ مجلس میں جان کھوئی

میں نے جو بے کسانہ مجلس میں جان کھوئی

سر پر مرے کھڑی ہو شب شمع زور روی

آتی ہے شمع شب کو آگے ترے یہ کہہ کر

منہ کی گئی جو لوئی تو کیا کرے گا کوئی

بے طاقتی سے آگے کچھ پوچھتا بھی تھا سو

رونے نے ہر گھڑی کے وہ بات ہی ڈبوئی

بلبل کی بیکلی نے شب بے دماغ رکھا

سونے دیا نہ ہم کو ظالم نہ آپ سوئی

اس ظلم پیشہ کی یہ رسم قدیم ہے گی

غیروں پہ مہربانی یاروں سے کینہःجوئی

نوبت جو ہم سے گاہے آتی ہے گفتگو کی

منہ میں زباں نہیں ہے اس بد زباں کے گوئی

اس مہ کے جلوے سے کچھ تا میرؔ یاد دیوے

اب کے گھروں میں ہم نے سب چاندنی ہے بوئی

main ne jo be kasana majlis mein jan khoi

sar par mire khari ho shab shama zor rawi

ati hai sham-e-shab ko age tire ye kah kar

munh ki gai jo loi to kya karega koi

be taqati se age kuchh puchhta bhi tha su

rone ne har ghari ke wo bat hi duboi

bulbul ki bekali ne shab be dimagh rakha

sone diya na ham ko zalim na ap soi

is zulm pesha ki ye rasm-e-qadim hai gi

ghairon pe mehrbani yaron se kina joi

naubat jo ham se gahe ati hai guftugu ki

munh mein zaban nahin hai is bad zaban ke goi

us mah ke jalwe se kuchh ta mir yad dewe

ab ke gharon mein ham ne sab chandni hai boi