میں جیتے جی تلک رہوں مرہون آپ کا

میں جیتے جی تلک رہوں مرہون آپ کا

گر آج قصد کیجیے مجھ سے ملاپ کا

میں یہ سمجھ کے دوڑوں ہوں آیا وہ شہسوار

کھٹکا سنوں ہوں جب کسی گھوڑے کی ٹاپ کا

تم گاؤ اپنے راگ کو اس پاس واعظو

مشتاق جو گدھا ہو تمہارے الاپ کا

گو دخت رز سے ملنے میں بد ٹھہرے محتسب

دینا نہیں دھرانے میں ہم اس کے باپ کا

دکھ میں نہیں ہے کوئی کسو کا شریک حال

یاں کھیل مچ رہا ہے عجب آپ دھاپ کا

تھپوائیں ان کی ماٹی کی اینٹیں فلک نے حیف

تھا شور جن کے محلوں میں طبلے کی تھاپ کا

اوراق گنجفہ کہو اصناف خلق کو

ہے شوق ان کے دل میں سدا ٹیپ ٹاپ کا

کس طرح ہم سے بوسے کا وعدہ کرے وہ شوخ

نجری رقیب سے ہے ڈرا منہ کی بھاپ کا

کیجو محبؔ نگاہ یہ چھاپہ ہے اور ہی

گندہ کرے ہے دل کو نگیں اس کی چھاپ کا

main jite ji talak rahun marhun ap ka

gar aj qasd kijiye mujh se milap ka

main ye samajh ke daurun hun aya wo shahsawar

khatka sunun hun jab kisi ghore ki tap ka

tum gao apne rag ko is pas waizo

mushtaq jo gadha ho tumhare alap ka

go dukht-e-raz se milne mein bad thahre mohtasib

dena nahin dhirane mein ham us ke bap ka

dukh mein nahin hai koi kisu ka sharik-e-hal

yan khel much raha hai ajab ap dhaap ka

thapwaen un ki mati ki inten falak ne haif

tha shor jin ke mahlon mein table ki thap ka

auraq-e-ganjifa kaho asnaf khalq ko

hai shauq un ke dil mein sada tep tap ka

kis tarah ham se bose ka waada kare wo shokh

najari raqib se hai dara munh ki bhap ka

kijo muhib nigah ye chhapa hai aur hi

gunda kare hai dil ko nagin us ki chhap ka