بوسہ دیتے ہو اگر تم مجھ کو دو دو سب کے دو
سردار گینڈا سنگھ مشرقیبوسہ دیتے ہو اگر تم مجھ کو دو دو سب کے دو
جیبھ کے دو سر کے دو رخسار کے دو سب کے دو
لے کے دو رخسار کے بوسہ جو مانگے سب کے دو
اور تو دے دیں گے بولے پر یہ ہیں بے ڈھب کے دو
مانگتے تجھ سے نہیں اے گل بدن کچھ اور ہم
ہے اگر توفیق تم بوسہ دو نام رب کے دو
روزوں میں گر پاس اپنے آئے وہ رشک قمر
بوسہ ہم افطار کو مانگیں لب اطیب کے دو
مثل یوسف ہو رہا ہوں میں اسیر چاہ غم
بوسہ اے رشک زلیخا دو مجھے عبعب کے دو
میں نہیں ہوں مانگتا دس بیس تم سے یا پچاس
صرف دو بوسہ لب شیریں کے ہنس کر اب کے دو
ہے خوشی یہ آپ کی اے ماہ رو دو یا نہ دو
کون کہتا ہے کہ تم بوسے کسی سے دب کے دو
دو دو کر کے بوسۂ موعود جب میں نے گنے
ہنس کے پوچھا ہیں اکٹھے یہ کیے کب کب کے دو
تب کہا میں نے کہ سن لو شعر میں کیا شرم ہے
صبح کے دو شام کے دو دن کے دو اور شب کے دو
دونوں رخساروں کے بوسہ لیں گے ہم اے سیم تن
دو ہمیں اس ڈھب کے دو تم اور دو اس ڈھب کے دو
مشرقیؔ معشوق دو پچھم کے محفل میں ہو گر
دو دکن کے چاہئیں اتر کے دو پورب کے دو
bosa dete ho agar tum mujh ko do do sab ke do
jibh ke do sar ke do rukhsar ke do sab ke do
le ke do rukhsar ke bosa jo mange sab ke do
aur to de denge bole par ye hain be dhab ke do
mangte tujh se nahin ai gul badan kuchh aur ham
hai agar taufiq tum bosa do nam-e-rab ke do
rozon mein gar pas apne ae wo rashk-e-qamar
bosa ham iftar ko mangen lab-e-atyab ke do
misl-e-yusuf ho raha hun main asir-e-chah-e-gham
bosa ai rashk-e-zulekha do mujhe abaab ke do
main nahin hun mangta das bis tum se ya pachas
sirf-e-do bosa lab-e-shirin ke hans kar ab ke do
hai khushi ye ap ki ai mah ru do ya na do
kaun kahta hai ke tum bose kisi se dab ke do
do do kar ke bosa-e-mauud jab main ne gine
hans ke puchha hain ikatthe ye kiye kab kab ke do
tab kaha main ne ke sun lo sher mein kya sharm hai
subh ke do sham ke do din ke do aur shab ke do
donon rukhsaron ke bosa lenge ham ai sim tan
do hamen is dhab ke do tum aur do is dhab ke do
mashriqi maashuq do pachchham ke mahfil mein ho gar
do dakan ke chahiyen utar ke do purab ke do