میں نہ سمجھا بلبل بے بال و پر نے کیا کہا

میں نہ سمجھا بلبل بے بال و پر نے کیا کہا

گوش گل میں قاصد باد سحر نے کیا کہا

نزع کے دم بھی زبس لیلیٰ کو مانع تھا حجاب

چپکے چپکے روئی اور اس نوحہ گر نے کیا کہا

تیرے وحشی سے عبث تجھ کو خفا کرتے ہیں لوگ

سب یہ باتیں جھوٹھ تھیں اس بے خبر نے کیا کہا

سینکڑوں رنگینیاں پیدا کیں اس نے وقت قصد

خوں‌ مجنوں سے زباں شیر نے کیا کہا

نامہ بر کو گالیاں دیں اس نے سن کر میرا نام

منہ کو تکتا رہ گیا اور نامہ بر نے کیا کہا

ہو گیا اس کو پہن کر اور بھی مغرور وہ

کان میں اس شوخ کے سلک گہر نے کیا کہا

جوڑنا ان کا نہایت اے ہوسؔ دشوار تھا

دل کے ٹکڑے دیکھ میرے شیشہ گر نے کیا کہا

main na samjha bulbul-e-be bal-o-par ne kya kaha

gosh-e-gul mein qasid bad-e-sahar ne kiya kaha

nazaa ke dam bhi zabas laila ko mane tha hijab

chupke chupke roi aur is nauha gar ne kya kaha

tere wahshi se abas tujh ko khafa karte hain log

sab ye baten jhuth thin us be khabar ne kya kaha

sainkron ranginiyan paida kin us ne waqt-e-qasd

khun majnun se zaban sher ne kiya kaha

nama bar ko galiyan den us ne sun kar mera nam

munh ko takta rah gaya aur nama bar ne kya kaha

ho gaya us ko pahan kar aur bhi maghrur wo

kan mein us shokh ke silk-e-guhar ne kya kaha

jorna un ka nihayat ai hawas dushwar tha

dil ke tukre dekh mere shisha gar ne kya kaha