میں نے ہر چند کہ اس کوچے میں جانا چھوڑا

میں نے ہر چند کہ اس کوچے میں جانا چھوڑا

پر تصور میں مرے اس نے نہ آنا چھوڑا

اس نے کہنے سے رقیبوں کے مجھے چھوڑ دیا

جس کی الفت میں دلا تو نے زمانا چھوڑا

اٹھ گیا پردۂ ناموس مرے عشق کا آہ

اس نے کھڑکی میں جو چلمن کا لگانا چھوڑا

ہاتھ سے میرے وہ پیتا نہیں مدت سے شراب

یارو کیا اپنی خوشی میں نے پلانا چھوڑا

تیرے غمگیںؔ کو پریشانی ہے اس روز سے یار

تو نے جس روز سے زلفوں کا بنانا چھوڑا

main ne har chand ke us kuche mein jana chhora

par tasawwur mein mire us ne na ana chhora

us ne kahne se raqibon ke mujhe chhor diya

jis ki ulfat mein dila tu ne zamana chhora

uth gaya parda-e-namus mire ishq ka ah

us ne khirki mein jo chilman ka lagana chhora

hath se mere wo pita nahin muddat se sharab

yaro kya apni khushi main ne pilana chhora

tere ghamgin ko pareshani hai us roz se yar

tu ne jis roz se zulfon ka banana chhora