میں عاشقی میں تب سوں افسانہ ہو رہا ہوں

میں عاشقی میں تب سوں افسانہ ہو رہا ہوں

تیری نگہ کا جب سوں دیوانہ ہو رہا ہوں

اے آشنا کرم سوں یک بار آ درس دے

تجھ باج سب جہاں سوں بیگانہ ہو رہا ہوں

باتاں لگن کی مت پوچھ اے شمع بزم خوبی

مدت سے تجھ جھلک کا پروانہ ہو رہا ہوں

شاید وو گنج خوبی آوے کسی طرف سوں

اس واسطے سراپا ویرانہ ہو رہا ہوں

سودائے زلف خوباں رکھتا ہوں دل میں دائم

زنجیر عاشقی کا دیوانہ ہو رہا ہوں

برجا ہے گر سنوں نئیں ناصح تری نصیحت

میں جام عشق پی کر مستانہ ہو رہا ہوں

کس سوں ولیؔ اپس کا احوال جا کہوں میں

سر تا قدم میں غم سوں غم خانہ ہو رہا ہوں

main ashiqi mein tab sun afsana ho raha hun

teri nigah ka jab sun diwana ho raha hun

ai ashna karam sun yak bar a dars de

tujh baj sab jahan sun begana ho raha hun

batan lagan ki mat puchh ai sham-e-bazm-e-khubi

muddat se tujh jhalak ka parwana ho raha hun

shayad wo ganj-e-khubi awe kisi taraf sun

is waste sarapa wirana ho raha hun

sauda-e-zulf-e-khuban rakhta hun dil mein daim

zanjir ashiqi ka diwana ho raha hun

barja hai gar sunun nain naseh tiri nasihat

main jam-e-ishq pi kar mastana ho raha hun

kis sun wali apas ka ahwal ja kahon main

sar ta qadam mein gham sun gham khana ho raha hun