میں نے عریاں تجھے اے رشک قمر دیکھ لیا

میں نے عریاں تجھے اے رشک قمر دیکھ لیا

دیدہ و دل کو جو تھا مد نظر دیکھ لیا

نزع میں یار نے صورت نہ دکھائی مجھ کو

دشمن و دوست کو ہنگام سفر دیکھ لیا

لے گئی وحشت دل گور غریباں کی طف

ہم نے یاران گزشتہ کا بھی گھر دیکھ لیا

خوں کیا غیر کے دل کو مری جاں بازی نے

یاد نے چیر کے پہلو کو جگر دیکھ لیا

دہن یار سے اک شعر کسی دن نہ سننا

ہم نھے اس اپنی زباں کا بھی اثر دیکھ لیا

بھر گیا دامن نظارہ گل نرگس سے

آنکھ اٹھا کر جو کبھی تو نے ادھر دیکھ لیا

روبرو رہنے لگا آئینہ آتش شب و روز

یاد کو غیر سے بھی شیر و شکر دیکھ لیا

main ne uryan tujhe ai rashk-e-qamar dekh liya

dida-o-dil ko jo tha mad-e-nazar dekh liya

nazaa mein yar ne surat na dikhai mujh ko

dushman-o-dost ko hangam-e-safar dekh liya

le gai wahshat-e-dil gor-e-ghariban ki taf

ham ne yaran-e-guzishta ka bhi ghar dekh liya

khun kiya ghair ke dil ko miri jan bazi ne

yad ne chir ke pahlu ko jigar dekh liya

dahan-e-yar se ik sher kisi din na sunna

ham nhe is apni zaban ka bhi asar dekh liya

bhar gaya daman-e-nazara gul nargis se

ankh utha kar jo kabhi tu ne idhar dekh liya

rubaru rahne laga aina atish shab-o-roz

yad ko ghair se bhi sher-o-shakar dekh liya