میں بوسہ لوں گا بہانے بتائیے نہ مجھے

میں بوسہ لوں گا بہانے بتائیے نہ مجھے

جو دل لیا ہے تو قیمت دلائیے نہ مجھے

دلوں میں ٹالتے ہو دم نکل ہی جاوے گا

میں ناتواں ہوں بہت آزمائیے نہ مجھے

بہت دنوں سے مسیحائی کا ہو دم بھرتے

مرا ہوا ہوں تمہیں پر جلائیے نہ مجھے

خط آپ بھیجیں گے مجھ کو پتنگ پر لکھ کر

یہ ڈورے جاتے ہوئے ہیں اڑائیے نہ مجھے

کھلایا چاہیے ہو گل رقیب کے آگے

یہ گرمی اور سے کیجے جلائیے نہ مجھے

تمہیں رقیب کی خاطر ہے لو میں جاتا ہوں

اٹھائیے نہ حیا کو بٹھائیے نہ مجھے

main bosa lunga bahane bataiye na mujhe

jo dil liya hai to qimat dilaiye na mujhe

dilon mein talte ho dam nikal hi jawega

main natawan hun bahut azmaiye na mujhe

bahut dinon se masihai ka ho dam bharte

mira hua hun tumhen par jalaiye na mujhe

khat ap bhejenge mujh ko patang par likh kar

ye dore jate hue hain uraiye na mujhe

khilaya chahiye ho gul raqib ke age

ye garmi aur se kije jalaiye na mujhe

tumhen raqib ki khatir hai lo mein jata hun

uthaiye na haya ko bithaiye na mujhe