میکدے میں بیٹھ کر ایمان کی پروا نہ کر

میکدے میں بیٹھ کر ایمان کی پروا نہ کر

یا اسے بھی ایک دو چلو پلا دیوانہ کر

مسکرا دے قصۂ امید کر دے مختصر

یا بڑھا لے چل ذرا سی بات کو افسانہ کر

خوش مذاقی شرط ہو جس کے نظارے کے لئے

اس گل خود رو کو یا رب زینت ویرانہ کر

حادثہ ہے لیکن ایسا غیر معمولی نہیں

شمع پر پروانہ جلنے دے کوئی پروانہ کر

maikade mein baith kar iman ki parwa na kar

ya use bhi ek do chalo pila diwana kar

muskura de qissa-e-ummid kar de mukhtasar

ya barha le chal zara si bat ko afsana kar

khush mazaqi shart ho jis ke nazare ke liye

us gul-e-khud ro ko ya rab zinat-e-wirana kar

hadisa hai lekin aisa ghair maamuli nahin

shama par parwana jalne de koi parwana kar