میں بھی دنیا میں ہوں اک نالہ پریشاں یک جا

میں بھی دنیا میں ہوں اک نالہ پریشاں یک جا

دل کے سو ٹکڑے مرے پر سبھی نالاں یک جا

پند گویوں نے بہت سینے کی تدبیریں لیں

آہ ثابت بھی نہ نکلا یہ گریباں یک جا

تیرا کوچہ ہے ستم گار وہ کافر جاگہ

کہ جہاں مارے گئے کتنے مسلماں یک جا

سر سے باندھا ہے کفن عشق میں تیرے یعنی

جمع ہم نے بھی کیا ہے سر و ساماں یک جا

کیونکے پڑتے ہیں ترے پاؤں نسیم سحری

اس کے کوچے میں ہے صد گنج شہیداں یک جا

تو بھی رونے کو ملا دل ہے ہمارا بھی بھرا

ہوجے اے ابر بیابان میں گریاں یک جا

بیٹھ کر میرؔ جہاں خوب نہ رویا ہووے

ایسی کوچے میں نہیں ہے ترے جاناں یک جا

main bhi duniya mein hun ik nala pareshan yak ja

dil ke sau tukre mire par sabhi nalan yak ja

pand goyon ne bahut sine ki tadbiren len

ah sabit bhi na nikla ye gareban yak ja

tera kucha hai sitam gar wo kafir jagah

ke jahan mare gae kitne musalman yak ja

sar se bandha hai kafan ishq mein tere yaani

jama ham ne bhi kiya hai sar-o-saman yak ja

kyunke parte hain tire paon nasim-e-sahari

us ke kuche mein hai sad ganj-e-shahidan yak ja

tu bhi rone ko mila dil hai hamara bhi bhara

hojai ai abr bayaban mein giryan yak ja

baith kar mir jahan khub na roya howe

aisi kuche mein nahin hai tire janan yak ja