میرے ہی دل کے ستانے کو غم آیا سیدھا

میرے ہی دل کے ستانے کو غم آیا سیدھا

راستہ دیکھ لیا ہے مرے گھر کا سیدھا

ایک صورت کبھی طالع کی نہ دیکھی ہم نے

خط تقدیر لکھا ہے عجب الٹا سیدھا

سیدھی سیدھی ہمیں ہر وقت سنا بیٹھتے ہو

نام سن پایا ہے صاحب نے ہمارا سیدھا

ٹیڑھی بانکے ہوئے اس شوخ کے آگے سیدھے

کیا ہی کج فہم ہے وہ جو اسے سمجھا سیدھا

عشق پیچاں کو کیا ہم نے جو آڑا ترچھا

سرو کو یار نے گلشن میں بنایا سیدھا

خط کے آنے پہ بھی ٹیڑھا ہی رہا وہ ہم سے

خضر نے بھی ہمیں رستہ نہ بتایا سیدھا

مہرؔ واللہ میں قاتل ہوں تری باتوں کا

خوب انداز سخن ہے ترا سیدھا سیدھا

mere hi dil ke satane ko gham aya sidha

rasta dekh liya hai mire ghar ka sidha

ek surat kabhi tale ki na dekhi ham ne

khat-e-taqdir likha hai ajab ulta sidha

sidhi sidhi hamen har waqt suna baithte ho

nam sun paya hai sahab ne hamara sidha

terhi banke hue us shokh ke age sidhe

kya hi kaj fahm hai wo jo use samjha sidha

ishq pechan ko kiya ham ne jo ara tirchha

sarw ko yar ne gulshan mein banaya sidha

khat ke ane pe bhi terha hi raha wo ham se

khizr ne bhi hamen rasta na bataya sidha

mehr wallah mein qatil hun tiri baton ka

khub andaz-e-sukhan hai tira sidha sidha