میں اگر رونے لگوں رتبۂ والا بڑھ جائے

میں اگر رونے لگوں رتبۂ والا بڑھ جائے

پانی دینے سے نہال قد بالا بڑھ جائے

جوش وحشت یہی کہتا ہے نہایت کم ہے

دو جہاں سے بھی اگر وسعت صحرا بڑھ جائے

قمریاں دیکھ کے گلزار میں دھوکہ کھائیں

طوق منت کا جو اے سرو تمنا بڑھ جائے

ہاتھ پر ہاتھ اگر مار کے دوڑوں باہم

راہ الفت میں قدم قیس سے میرا بڑھ جائے

داغ پر داغ سے اے برقؔ مجھے راحت ہے

درد کم ہو تو شب ہجر میں ایذا بڑھ جائے

main agar rone lagun rutba-e-wala barh jae

pani dene se nihal-e-qad-e-bala barh jae

josh-e-wahshat yahi kahta hai nihayat kam hai

do jahan se bhi agar wusat-e-sahra barh jae

qamariyan dekh ke gulzar mein dhoka khaen

tauq minnat ka jo ai sarw-e-tamanna barh jae

hath par hath agar mar ke daurun baham

rah-e-ulfat mein qadam qais se mera barh jae

dagh par dagh se ai barq mujhe rahat hai

dard kam ho to shab-e-hijr mein iza barh jae