بولئے کرتا ہوں منت آپ کی

بولئے کرتا ہوں منت آپ کی

کیوں مکدر ہے طبیعت آپ کی

پھونکے دیتی ہے کلیجا سینے میں

شعلہ بن بن کر محبت آپ کی

اتنی بے پروائیاں اچھی نہیں

لوگ کرتے ہیں شکایت آپ کی

چاندنی منہ پر نہ پڑنے دیجیے

میلی ہو جائے گی رنگت آپ کی

ایک دل رکھتے تھے وہ بھی کھو چکے

ہو گئے مفلس بدولت آپ کی

داغ ہم کو خال صاحب کو ملا

یہ نصیب اپنا وہ قسمت آپ کی

مر کے پھر زندہ ہوئے سمجھیں گے ہم

جھیل جائیں گے جو فرقت آپ کی

منہ لگا کر پھر نہ ہرگز پوچھنا

واہ کیا اچھی ہے عادت آپ کی

حوریں جنت سے تو پریاں قاف سے

دیکھنے آتی ہیں صورت آپ کی

میری صورت سے اگر نفرت نہیں

کیوں بدل جاتی ہے رنگت آپ کی

ایک بوسے پر ہزاروں حجتیں

مانیے کیوں کر سخاوت آپ کی

سن کے مطلب صاف آنکھیں پھیر لیں

دیکھ لی ہم نے مروت آپ کی

پھول کی جا پنکھڑی اے باغ حسن

داغ دل پر ہے عنایت آپ کی

ہر کسی کے سامنے روتے ہو بحرؔ

بہہ گئی آنکھوں سے غیرت آپ کی

boliye karta hun minnat ap ki

kyun mukaddar hai tabiat ap ki

phunke deti hai kaleja sine mein

shola ban ban kar mohabbat ap ki

itni be purwaiyan achchhi nahin

log karte hain shikayat ap ki

chandni munh par na parne dijiye

maili ho jaegi rangat ap ki

ek dil rakhte the wo bhi kho chuke

ho gae muflis badaulat ap ki

dagh ham ko khal sahab ko mila

ye nasib apna wo qismat ap ki

mar ke phir zinda hue samjhenge ham

jhil jaenge jo furqat ap ki

munh laga kar phir na hargiz puchhna

wah kya achchhi hai adat ap ki

huren jannat se to pariyan qaf se

dekhne ati hain surat ap ki

meri surat se agar nafrat nahin

kyun badal jati hai rangat ap ki

ek bose par hazaron hujjaten

maniye kyun kar sakhawat ap ki

sun ke matlab saf ankhen pher len

dekh li ham ne murawwat ap ki

phul ki ja pankhuri ai bagh-e-husn

dagh-e-dil par hai inayat ap ki

har kisi ke samne rote ho bahr

bah gai ankhon se ghairat ap ki