بندے ہیں تیری چھب کے مہ سے جمال والے

بندے ہیں تیری چھب کے مہ سے جمال والے

سب گل سے گال والے سنبل سے بال والے

سیدھی ادا بھی بھولے گئے داغ ہو چھبیلے

اے ٹیڑھی چال والے ٹھوڑی کے خال والے

مت ہو تو نیلا پیلا بخت سیہ کر اجلے

اے الفی شال والے بھگوے رومال والے

کر سرمہ خاکساری دل کے نین سے دیکھا

چل گئے وہ حال والے رہ گئے ہیں قال والے

دھوپوں میں پی جو نکلے تب آب پاشی کرنے

دنگ و دوال والے ہوویں پکھال والے

عزلتؔ کی آہوں آگے تیری نگاہوں آگے

کیا شعلے جھال والے کیا نیزے بھال والے

bande hain teri chhab ke mah se jamal wale

sab gul se gal wale sumbul se bal wale

sidhi ada bhi bhule gae dagh ho chhabile

ai terhi chal wale thori ke khal wale

mat ho to nila pila bakht-e-siyah kar ujle

ai alfi shal wale bhagwe rumal wale

kar surma khaksari dil ke nain se dekha

chal gae wo hal wale rah gae hain qal wale

dhupon mein pi jo nikle tab ab pashi karne

dang-o-doal wale howen pakhal wale

uzlat ki ahon age teri nigahon age

kya shole jhal wale kya neze bhal wale