میرے دل کو بٹھا دیا کس نے

میرے دل کو بٹھا دیا کس نے

آ کے کعبے کو ڈھا دیا کس نے

پوچھو اپنے ہی غمزے سے کہ مجھے

خاک میں ہی ملا دیا کس نے

کیا تماشا ہے پوچھتے ہیں وہی

تیرے گھر کو لٹا دیا کس نے

شب فرقت میں کیا نہ ہم کھاتے

ہم کو پر زہر لا دیا کس نے

وہ جلا دیتے ہیں جو خط میرا

ان کو عارفؔ پڑھا دیا کس نے

mere dil ko bitha diya kis ne

a ke kaabe ko dha diya kis ne

puchho apne hi ghamze se ke mujhe

khak mein hi mila diya kis ne

kya tamasha hai puchhte hain wahi

tere ghar ko luta diya kis ne

shab-e-furqat mein kya na ham khate

ham ko par zahr la diya kis ne

wo jala dete hain jo khat mera

un ko arif parha diya kis ne