میرے تڑپنے نے تماشا کیا

میرے تڑپنے نے تماشا کیا

وہ نگہ شوق سے دیکھا کیا

اشک نے کیں عشق کی غمازیاں

راز دروں آنکھ نے افشا کیا

بل بے خلش خنجر بیداد کی

سینہ کو لبریز تمنا کیا

جو نہ ہوا آپ سے بہتر ہوا

جو نہ کیا آپ نے اچھا کیا

وعدۂ جانبازئ الفت نسیمؔ

تو نے یہ دیوانے ستم کیا کیا

mere tarapne ne tamasha kiya

wo nigah-e-shauq se dekha kiya

ashk ne kin ishq ki ghammaziyan

raz-e-darun ankh ne ifsha kiya

bal be khalish khanjar-e-bedad ki

sina ko labrez tamanna kiya

jo na hua ap se behtar hua

jo na kiya ap ne achchha kiya

waada-e-janbazi-e-ulfat nasim

tu ne ye diwane sitam kya kiya