میرے نالوں سے تہہ و بالا ہوئی اکثر زمیں

میرے نالوں سے تہہ و بالا ہوئی اکثر زمیں

زیر پا آیا فلک اور بارہا سر پر زمیں

ہے دیار ماہرو کا بس یہی قاصد نشاں

آسماں تجھ کو نظر آئے گی واں کی سر زمیں

کس طرف جاؤں کہ ہو ان دو بلاؤں سے نجات

آسماں گھر گھر یہی ہے اور یہی گھر گھر زمیں

باری باری یہ مجھے پیسیں برنگ آسیا

آسماں دن بھر رہے گردش میں تو شب بھر زمیں

مثل خورشید آسماں جلتا ہے آہ گرم سے

کانپتی ہے ٹھنڈی سانسوں سے مری تھر تھر زمیں

جس جگہ ہیں دفن قاتل تیری مژگاں کے شہید

واں عوض سبزی کے پیدا کرتی ہے نشتر زمیں

سیکڑوں اس میں گئے محبوب جائے رشک ہے

رکھتی ہے آغوش میں کیا کیا پری پیکر زمیں

آتش فرقت سے عالم کورۂ آتش ہوا

آسماں ہے دود ہم اخگر میں اور مجمر زمیں

عشق خال یار نے ایسا کیا زار و نحیف

بیٹھے رہنے کو مرے کافی ہے اب تل بھر زمیں

mere nalon se tah-o-bala hui aksar zamin

zer-e-pa aya falak aur barha sar par zamin

hai dayar-e-mahru ka bas yahi qasid nishan

asman tujh ko nazar aegi wan ki sar zamin

kis taraf jaun ke ho un do balaon se najat

asman ghar ghar yahi hai aur yahi ghar ghar zamin

bari bari ye mujhe pisen barang-e-asiya

asman din bhar rahe gardish mein to shab bhar zamin

misl-e-khurshid asman jalta hai ah-e-garm se

kanpti hai thandi sanson se miri thar thar zamin

jis jagah hain dafn qatil teri mizhgan ke shahid

wan ewaz sabzi ke paida karti hai nashtar zamin

saikron is mein gae mahbub jae rashk hai

rakhti hai aghosh mein kya kya pari paikar zamin

atish-e-furqat se alam kora-e-atish hua

asman hai dud ham akhgar mein aur mijmar zamin

ishq khal-e-yar ne aisa kiya zar-o-nahif

baithe rahne ko mire kafi hai ab til bhar zamin