بن ترے کیا کروں جہاں لے کر

بن ترے کیا کروں جہاں لے کر

یہ زمیں اور یہ آسماں لے کر

اشک چھلکائے بال بکھرائے

وہ گئے میری داستاں لے کر

دو جہاں کی طلب سے فارغ ہوں

تیرا در تیرا آستاں لے کر

اڑ گئے سب چمن کو رہ گئے ہم

چار تنکوں کا آشیاں لے کر

رنگ محفل ترا بڑھانے کو

آئے ہم چشم خوں فشاں لے کر

سب گئے پوچھنے مزاج ان کا

میں گیا اپنی داستاں لے کر

سب پھرے لے کے اپنے یوسف کو

میں پھرا گرد کارواں لے کر

سب اڑے لے کے پھول گلشن سے

اور ہم اپنا آشیاں لے کر

میری تقدیر کیا بتاؤں جلیلؔ

جا رہی ہے کہاں کہاں لے کر

bin tire kya karun jahan le kar

ye zamin aur ye asman le kar

ashk chhalka-e-bal bikhrae

wo gae meri dastan le kar

do jahan ki talab se farigh hun

tera dar tera astan le kar

ur gae sab chaman ko rah gae ham

char tinkon ka ashiyan le kar

rang-e-mahfil tira barhane ko

ae ham chashm khun fishan le kar

sab gae puchhne mizaj un ka

main gaya apni dastan le kar

sab phire le ke apne yusuf ko

main phira gard-e-karwan le kar

sab ure le ke phul gulshan se

aur ham apna ashiyan le kar

meri taqdir kya bataun jalil

ja rahi hai kahan kahan le kar