Arooz is now on the App Store, for iPhone and iPad. Download →

All poetry

میری خبر نہ لینا اے یار ہے تعجب

Waliullah Muhib

میری خبر نہ لینا اے یار ہے تعجب

جی سے بچے جو مجھ سا بیمار ہے تعجب

وعدہ خلافیوں سے تیری ہے دل میں شبہہ

ہووے جو حشر میں بھی دیدار ہے تعجب

تم کہتے ہو کہ وہ آتا ہے پاس تیرے

اس یار سے تو یارو بسیار ہے تعجب

ہستی سے اک نفس کا ہے فاصلہ عدم تک

تس پر بھی ہے پہنچنا دشوار ہے تعجب

کافی نہ تھا تمہارے ابرو کا اک اشارہ

کھینچی جو عاشقوں پر تلوار ہے تعجب

سو بار دین و ایماں گم ہوئے تو عجب کیا

ٹوٹے جو عہد الفت اک یار ہے تعجب

کیوں کر کٹے گی یا رب اوقات غم زدوں کی

کوئی نہیں جہاں میں غم خوار ہے تعجب

ناصح مرا گریباں سینے کا فکر مت کر

ثابوت اس میں پانا اک تار ہے تعجب

پامال دل کئے ہیں عالم کے ہر قدم میں

سیکھی یہ تم نے کس سے رفتار ہے تعجب

گالی ہوئی ہے اب تو تکیہ کلام تیرا

سیدھی زباں کسو سے گفتار ہے تعجب

اسلام میں یہ کیسا انکار کفر سے ہے

تسبیح میں پروئے زنار ہے تعجب

دیکھے جو آنکھ اٹھا کر دل دار ہے تعجب

ہر بات میں جو کہیے مجبور ہے قباحت

انساں کو گر سمجھئے مختار ہے تعجب

کچھ گو مگو ہے یارو یہ امر بندگی کا

افکار ہے اچنبھا اقرار ہے تعجب