میرے سر سے کیا غرض سرکار کو

میرے سر سے کیا غرض سرکار کو

دیکھیے اپنے در و دیوار کو

یہ گھٹا ایسی گھٹا اتنی گھٹا

مے حلال ایسے میں ہے مے خوار کو

دھمکیاں دیتے ہو کیا تلوار کی

ہم لگاتے ہیں گلے تلوار کو

اپنی اپنی سب دکھاتے ہیں بہار

گل بھی گلشن سے چلے بازار کو

طاق سے مینا اتار آئی بہار

طاق پر رکھ شیخ استغفار کو

ڈھونڈھتا پھرتا ہے کوئے غیر میں

دل مبارکؔ کو مبارکؔ یار کو

mere sar se kya gharaz sarkar ko

dekhiye apne dar-o-diwar ko

ye ghata aisi ghata itni ghata

mai halal aise mein hai mai khwar ko

dhamkiyan dete ho kya talwar ki

ham lagate hain gale talwar ko

apni apni sab dikhate hain bahar

gul bhi gulshan se chale bazar ko

taq se mina utar ai bahar

taq par rakh shaikh istighfar ko

dhundhta phirta hai ku-e-ghair mein

dil mubarak ko mubarak yar ko