میرا شاہد وہ ہمیں عیار آتا ہے نظر

میرا شاہد وہ ہمیں عیار آتا ہے نظر

ہم کو ہم پاتے نہیں جب یار آتا ہے نظر

کثرت شوق محبت میں مجھے ہر طرح سے

جس طرف دیکھوں رخ دل دار آتا ہے نظر

جان کا دھوکا ہمیں ہوتا ہے راہ عشق میں

مرگ کا ہر ایک دم آثار آتا ہے نظر

داغ ہجراں کے سوا لایا نہ کوئے یار سے

جو کوئی اس راہ کا بیمار آتا ہے نظر

پا برہنہ سینہ بریاں ہے تن عریاں وہی

جو کہ اس کا عاشق سرشار آتا ہے نظر

راہ سے دیر و حرم کی ہے جو کوئے یار میں

ہے وہی دیں دار گر کفار آتا ہے نظر

بعد مدت گردش تسبیح سے مسکیںؔ ہمیں

دانۂ تسبیح میں زنار آتا ہے نظر

mera shahid wo hamen ayyar ata hai nazar

ham ko ham pate nahin jab yar ata hai nazar

kasrat-e-shauq-e-mohabbat mein mujhe har tarah se

jis taraf dekhun rukh-e-dil dar ata hai nazar

jan ka dhoka hamen hota hai rah-e-ishq mein

marg ka har ek dam asar ata hai nazar

dagh-e-hijran ke siwa laya na ku-e-yar se

jo koi is rah ka bimar ata hai nazar

pa barahna sina buriyan hai tan uryan wahi

jo ke us ka ashiq-e-sarshar ata hai nazar

rah se dair-o-haram ki hai jo ku-e-yar mein

hai wahi den dar gar kuffar ata hai nazar

baad muddat gardish-e-tasbih se masken hamen

dana-e-tasbih mein zunnar ata hai nazar