میرے اشکوں کی گئی تھی ریل ویرانے پہ کیا گزرا

میرے اشکوں کی گئی تھی ریل ویرانے پہ کیا گزرا

خبر نیں حضرت مجنوں کے کاشانے پہ کیا گزرا

ان آنکھوں کو دیا تھا دل وہ دیوانے پہ کیا گزرا

پڑا تھا بات بد مستوں کے پیمانے پہ کیا گزرا

میں اور زنار ہے تسبیح صد دانے پہ کیا گزرا

مرے کافر ہوئے سیتی خدا جانے پہ کیا گزرا

دیا دل وصل لینے کو بگاڑا غیر نے سودا

بکا اس غم کے ہاتھوں میں کہ بیگانے پہ کیا گزرا

وہ زلفیں بس رقیبوں کے دلوں کی سخت گرہیں تھیں

کہو میرے دل صد چاک کے شانے پہ کیا گزرا

نہ پوچھا بھول کر بھی فصل گل میں شیشہ‌ خو تو نے

کہ اس پتھراؤ میں طفلوں کے دیوانے پہ کیا گزرا

پھرے آتے ہیں مستاں در‌ گہ پیر مغاں سیتی

کیا تھا خانہ ویراں شیخ میخانے پہ کیا گزرا

ڈھکی تھی آتش گل تا سر دیوار باغ اب کے

خبر عزلتؔ کو نیں بلبل کے خس خانہ پہ کیا گزرا

mere ashkon ki gai thi rel wirane pe kya guzra

khabar nain hazrat-e-majnun ke kashane pe kya guzra

in ankhon ko diya tha dil wo diwane pe kya guzra

para tha bat bad maston ke paimane pe kya guzra

main aur zunnar hai tasbih-e-sad dane pe kya guzra

mire kafir hue saiti khuda jane pe kya guzra

diya dil wasl lene ko bigara ghair ne sauda

buka is gham ke hathon mein ke begane pe kya guzra

wo zulfen bas raqibon ke dilon ki sakht girhen thin

kaho mere dil-e-sad chak ke shane pe kya guzra

na puchha bhul kar bhi fasl-e-gul mein shisha khu tu ne

ke is pathrao mein tiflon ke diwane pe kya guzra

phire ate hain mustan dar gah pir-e-mughan saiti

kya tha khana wiran shaikh maikhane pe kya guzra

dhaki thi atish-e-gul ta sar-e-diwar-e-bagh ab ke

khabar uzlat ko nain bulbul ke khas khana pe kya guzra