مروت کا پاس اور وفا کا لحاظ

مروت کا پاس اور وفا کا لحاظ

کرے آشنا آشنا کا لحاظ

دم سجدہ سر سخت تھا بے ادب

کیا کچھ نہ اس نقش پا کا لحاظ

نہ محروم رکھ مجھ کو حسن قبول

رہے کچھ تو دست دعا کا لحاظ

وہ ہیں پاس اب بس کر اے درد دل

کرے کچھ مرض بھی دوا کا لحاظ

ملائی نہ وحشتؔ کبھی اس سے آنکھ

مجھے تھا جو اس کی حیا کا لحاظ

murawwat ka pas aur wafa ka lihaz

kare ashna ashna ka lihaz

dam-e-sajda sar sakht tha be adab

kiya kuchh na is naqsh-e-pa ka lihaz

na mahrum rakh mujh ko husn-e-qubul

rahe kuchh to dast-e-dua ka lihaz

wo hain pas ab bas kar ai dard-e-dil

kare kuchh maraz bhi dawa ka lihaz

milai na wahshat kabhi us se ankh

mujhe tha jo us ki haya ka lihaz