مرے ارمان مایوسی کے پالے پڑتے جاتے ہیں

مرے ارمان مایوسی کے پالے پڑتے جاتے ہیں

تمہاری چاہ میں جینے کے لالے پڑتے جاتے ہیں

ادھر اس کی شرارت جس نے غم کی آگ سلگا دی

ادھر میرا کلیجہ جس میں چھالے پڑتے جاتے ہیں

مرے ان کے تعلق پر کوئی اب کچھ نہیں کہتا

خدا کا شکر سب کے منہ میں تالے پڑتے جاتے ہیں

غم ناکامیٔ کوشش سے حالت بگڑی جاتی ہے

کلیجے میں یہاں بے آگ چھالے پڑتے جاتے ہیں

ہمارا درد آہ دل مزا دیتا ہے اڑ اڑ کر

تمہارے چاند سے چہرے پہ ہالے پڑتے جاتے ہیں

مسیحا جا رہا ہے دوڑ کر آواز دو مضطرؔ

کہ دل کو دیکھتا جا جس میں چھالے پڑتے جاتے ہیں

mire arman mayusi ke pale parte jate hain

tumhari chah mein jine ke lale parte jate hain

idhar us ki shararat jis ne gham ki ag sulga di

idhar mera kaleja jis mein chhale parte jate hain

mire un ke taalluq par koi ab kuchh nahin kahta

khuda ka shukr sab ke munh mein tale parte jate hain

gham-e-nakami-e-koshish se halat bigri jati hai

kaleje mein yahan be ag chhale parte jate hain

hamara dard ah-e-dil maza deta hai ur ur kar

tumhare chand se chehre pe hale parte jate hain

masiha ja raha hai daur kar awaz do muztar

ke dil ko dekhta ja jis mein chhale parte jate hain