مرنے کی مجھ کو آپ سے ہیں اضطرابیاں

مرنے کی مجھ کو آپ سے ہیں اضطرابیاں

کرتا ہے میرے قتل کو تو کیوں شتابیاں

میرا ہی خانماں نہیں ویراں ہوا کوئی

بہتوں کی کی ہیں عشق نے خانہ خرابیاں

خوان فلک پہ نعمت الوان ہے کہاں

خالی ہے مہر و ماہ کی دونوں رکابیاں

ہرگز خم فلک میں نہیں ہے شراب عشق

غنچوں کی خون دل سے بھری ہیں گلابیاں

حلقوں سے اس کی زلف کے رخسار ہے عیاں

تاباںؔ جتھے میں دیکھو ہیں کیا ماہتابیاں

marne ki mujh ko ap se hain iztirabiyan

karta hai mere qatl ko to kyun shitabiyan

mera hi khanuman nahin wiran hua koi

bahuton ki ki hain ishq ne khana kharabiyan

khwan-e-falak pe nemat-e-alwan hai kahan

khali hai mehr-o-mah ki donon rikabiyan

hargiz kham-e-falak mein nahin hai sharab-e-ishq

ghunchon ki khun-e-dil se bhari hain gulabiyan

halqon se us ki zulf ke rukhsar hai ayan

taban jathe mein dekho hain kya mahtabiyan