ملتی ہے اسے گوہر شب تاب کی میراث

ملتی ہے اسے گوہر شب تاب کی میراث

لی مجھ دل صد پارہ نے سیماب کی میراث

حسرت سے تری چشم کی نرگس نے چمن میں

پائی ہے کسی دیدۂ بے خواب کی میراث

یاں جو دل روشن کہ وہ خالی ہے خودی سے

پہنچائی فلک نے اسے مہتاب کی میراث

اک بیڑۂ پاں ہاتھ سے تو اپنے جو بخشے

طوطی کو ملے غیب سے سرخاب کی میراث

پاسنگ ہیں لعل اس کے بھی جس سنگ کو پہنچے

اک قطرہ مرے اشک کے خونباب کی میراث

رو رو کے مری چشم نے اس بحر جہاں سے

لی خانہ خرابی کے لئے آب کی میراث

یہ درد و غم عشق دلا جان غنیمت

پہنچی تری حب سے تجھے احباب کی میراث

دریائے محبت سے محبؔ لے ہی کے چھوڑی

مجھ اشک نے آخر در نایاب کی میراث

milti hai use gauhar-e-shab tab ki miras

li mujh dil-e-sad para ne simab ki miras

hasrat se tiri chashm ki nargis ne chaman mein

pai hai kisi dida-e-be khwab ki miras

yan jo dil-e-raushan ke wo khali hai khudi se

pahunchai falak ne use mahtab ki miras

ik bera-e-pan hath se to apne jo bakhshe

tuti ko mile ghaib se surkhab ki miras

pasang hain laal us ke bhi jis sang ko pahunche

ik qatra mire ashk ke khunbab ki miras

ro ro ke miri chashm ne is bahr jahan se

li khana kharabi ke liye ab ki miras

ye dard-o-gham-e-ishq dila jan ghanimat

pahunchi tiri hub se tujhe ahbab ki miras

dariya-e-mohabbat se muhib le hi ke chhori

mujh ashk ne akhir dar-e-nayab ki miras