ملاؤں کس کی آنکھوں سے میں اپنی چشم حیراں کو

ملاؤں کس کی آنکھوں سے میں اپنی چشم حیراں کو

عیاں جب ہر جگہ دیکھوں اسی کے ناز پنہاں کو

تجھے اے شمع کیا دیکھیں زمانے کو دکھانا ہے

ہمیں جوں کاغذ آتش زدہ اور ہی چراغاں کو

نہ تنہا کچھ یہی اطفال دشمن ہیں دوانوں کے

بھرے ہے کوہ بھی دیکھا تو یاں پتھروں سے داماں کو

جھمکتے ہیں ستاروں کی طرح سوراخ ہستی کے

چھپایا گو کہ جوں خورشید میں داغ نمایاں کو

نہ واجب ہی کہا جاوے نہ صادق ممتنع اس پر

کیا تشخیص کچھ ہم نے نہ ہرگز شخص امکاں کو

milaun kis ki ankhon se main apni chashm-e-hairan ko

ayan jab har jagah dekhun usi ke naz pinhan ko

tujhe ai shama kya dekhen zamane ko dikhana hai

hamen jun kaghaz-e-atish zada aur hi charaghan ko

na tanha kuchh yahi atfal dushman hain diwanon ke

bhare hai koh bhi dekha to yan pattharon se daman ko

jhamakte hain sitaron ki tarah surakh-e-hasti ke

chhupaya go ke jun khurshid mein dagh-e-numayan ko

na wajib hi kaha jawe na sadiq mumtanaa us par

kiya tashkhis kuchh ham ne na hargiz shakhs imkan ko