محو کمال آرزو مجھ کو بنا کے بھول جا

محو کمال آرزو مجھ کو بنا کے بھول جا

اپنے حریم ناز کا پردہ اٹھا کے بھول جا

جلوہ ہے بے خودی طلب عشق ہے ہمت آزما

دیدۂ مست یار سے آنکھ ملا کے بھول جا

لطف جفا اسی میں ہے یاد جفا نہ آئے پھر

تجھ کو ستم کا واسطہ مجھ کو مٹا کے بھول جا

لوث طلب کے ننگ سے عشق کو بے نیاز رکھ

ہو بھی جو کوئی آرزو دل سے مٹا کے بھول جا

mahw-e-kamal-e-arzu mujh ko bana ke bhul ja

apne harim-e-naz ka parda utha ke bhul ja

jalwa hai be khudi talab ishq hai himmat azma

dida-e-mast-e-yar se ankh mila ke bhul ja

lutf-e-jafa isi mein hai yad jafa na ae phir

tujh ko sitam ka wasta mujh ko mita ke bhul ja

los talab ke nang se ishq ko be niyaz rakh

ho bhi jo koi arzu dil se mita ke bhul ja