محو ہوں میں جو اس ستمگر کا

محو ہوں میں جو اس ستمگر کا

ہے گلہ اپنے حالِ ابتر کا

حال لکھتا ہوں جانِ مضطر کا

رگِ بسمل ہے تار مسطر کا

آنکھ پھرنے سے تیری، مجھ کو ہوا

گردشِ دہر دور ساغر کا

شعلہ رو یار، شعلہ رنگ شراب

کام یاں کیا ہے دامنِ تر کا

شوق کو آج بے قراری ہے

اور وعدہ ہے روزِ محشر کا

نقشِ تسخیرِ غیر کو اس نے

خوں لیا تو مرے کبوتر کا

میری ناکامی سے فلک کو حصول؟

کام ہے یہ اُسی ستم گر کا

اُس نے عاشق لکھا عدو کو لقب

ہائے لکھا مرے مقدر کا

آپ سے لحظہ لحظہ جاتے ہو

شیفتہ ہے خیال کس گھر کا

mahw hun main jo us sitamgar ka

hai gila apne hal-e-abtar ka

hal likhta hun jan-e-muztar ka

rag-e-bismil hai tar-e-mistar ka

ankh phirne se teri, mujh ko hua

gardish-e-dahr daur-e-saghar ka

shola ro yar, shola rang-e-sharab

kam yan kya hai daman-e-tar ka

shauq ko aj be qarari hai

aur waada hai roz-e-mahshar ka

naqsh-e-taskhir-e-ghair ko us ne

khun liya to mire kabutar ka

meri nakami se falak ko husul?

kam hai ye usi sitam gar ka

us ne ashiq likha adu ko laqab

hae likha mire muqaddar ka

ap se lahza lahza jate ho

shefta hai khayal kis ghar ka