مر جائیں گے لیکن کبھی الفت نہ کریں گے

مر جائیں گے لیکن کبھی الفت نہ کریں گے

ہم جینے کو اپنے یہ مصیبت نہ کریں گے

ہے دل میں کہ مل جائیے اب بو الہوسوں میں

پھر ہم سے کہاں تک وہ مروت نہ کریں گے

کہتے ہیں مری جان کا جانا نہیں ممکن

جب تک وہ مجھے آپ سے رخصت نہ کریں گے

اے خضر جو پینا ہو ہمیں آب بقا بھی

اس پھرنے سے مے خانہ کی خدمت نہ کریں گے

تو اب تو گریباں کو مرے چھوڑ دے عارفؔ

بس آج سے ہم تجھ کو نصیحت نہ کریں گے

mar jaenge lekin kabhi ulfat na karenge

ham jine ko apne ye musibat na karenge

hai dil mein ke mil jaiye ab bu-e-ilahosun mein

phir ham se kahan tak wo murawwat na karenge

kahte hain miri jan ka jana nahin mumkin

jab tak wo mujhe ap se rukhsat na karenge

ai khizr jo pina ho hamen ab-e-baqa bhi

is phirne se mai khana ki khidmat na karenge

to ab to gareban ko mire chhor de arif

bas aj se ham tujh ko nasihat na karenge