مدتوں ہم نے غم سنبھالے ہیں

مدتوں ہم نے غم سنبھالے ہیں

اب تری یاد کے حوالے ہیں

زندگی کے حسین چہرے پر

غم نے کتنے حجاب ڈالے ہیں

کچھ غم زیست کا شکار ہوئے

کچھ مسیحا نے مار ڈالے ہیں

رہ گزار حیات میں ہم نے

خود نئے راستے نکالے ہیں

اے شب غم ذرا سنبھال کے رکھ

ہم تری صبح کے اجالے ہیں

ذوق خود آگہی نے اے قابلؔ

کتنے بت خانے توڑ ڈالے ہیں

muddaton ham ne gham sambhale hain

ab tiri yad ke hawale hain

zindagi ke hasin chehre par

gham ne kitne hijab dale hain

kuchh gham-e-zist ka shikar hue

kuchh masiha ne mar dale hain

rah guzar-e-hayat mein ham ne

khud nae raste nikale hain

ai shab-e-gham zara sambhal ke rakh

ham tiri subh ke ujale hain

zauq-e-khud agahi ne ai qabil

kitne but khane tor dale hain