مدت کے بعد اس نے لکھا میرے نام خط

مدت کے بعد اس نے لکھا میرے نام خط

میری شکایتوں سے بھرا ہے تمام خط

گھبرا نہ اس قدر دل بے تاب صبر کر

آتا ہے کوئی روز میں اب صبح و شام خط

لکھا ہوا ہے خاص تمہارے ہی ہاتھ کا

پہچانتا ہے خوب تمہارا غلام خط

تحریر ان کی سینہ پہ رکھ دیجیو مرے

بدلے جواب نامہ کے آئے گا کام خط

لکھا ہے اب نہ لکھیں گے ہم کوئی خط تجھے

خط آیا میری موت کا لایا پیام خط

ضائع نہ جائے گی تری محنت کسی طرح

قاصد اجورہ دیتا ہوں چٹکی میں تھام خط

عاشق نوازیاں ہیں طبیعت میں یار کی

لکھا ہے ہر مہینے میں بھیجو مدام خط

تحریر کر کے سیکڑوں وعدے مکر گئے

دکھلاؤں گا حضور کو روز قیام خط

خط لکھ کے آج ڈاک پہ پہنچیں گے یار کو

پہنچائے گا ہمارا پیام و سلام خط

آغاؔ نثار ہوجیے انعام دیجئے

لایا ہے ان کا قاصد صرصر خرام خط

muddat ke baad us ne likha mere nam khat

meri shikayaton se bhara hai tamam khat

ghabra na is qadar dil-e-be tab sabr kar

ata hai koi roz mein ab subh-o-sham-e-khat

likha hua hai khas tumhare hi hath ka

pahchanta hai khub tumhara ghulam-e-khat

tahrir un ki sina pe rakh dijiyo mire

badle jawab-e-nama ke aega kam khat

likha hai ab na likhenge ham koi khat tujhe

khat aya meri maut ka laya payam-e-khat

zae na jaegi tiri mehnat kisi tarah

qasid ujura deta hun chutki mein tham khat

ashiq nawaziyan hain tabiat mein yar ki

likha hai har mahine mein bhejo mudam khat

tahrir kar ke saikron waade makar gae

dikhlaunga huzur ko roz-e-qayam khat

khat likh ke aj dak pe pahunchenge yar ko

pahunchaega hamara payam-o-salam khat

agha nisar hojiye inam dijiye

laya hai un ka qasid-e-sarsar khiram khat