مر مر گئے نظر کر اس کے برہنہ تن میں

مر مر گئے نظر کر اس کے برہنہ تن میں

کپڑے اتارے ان نے سر کھینچے ہم کفن میں

گل پھول سے کب اس بن لگتی ہیں اپنی آنکھیں

لائی بہار ہم کو زورآوری چمن میں

اب لعل نو خط اس کے کم بخشتے ہیں فرحت

قوت کہاں رہے ہے یاقوتی کہن میں

یوسف عزیز دلا جا مصر میں ہوا تھا

پاکیزہ گوہروں کی عزت نہیں وطن میں

دیر و حرم سے تو تو ٹک گرم ناز نکلا

ہنگامہ ہو رہا ہے اب شیخ و برہمن میں

آ جاتے شہر میں تو جیسے کہ آندھی آئی

کیا وحشتیں کیا ہیں ہم نے دوان پن میں

ہیں گھاؤ دل پر اپنے تیغ زباں سے سب کی

تب درد ہے ہمارے اے میرؔ ہر سخن میں

mar mar gae nazar kar us ke barahna tan mein

kapre utare un ne sar khinche ham kafan mein

gul phul se kab is ban lagti hain apni ankhen

lai bahar ham ko zorawari chaman mein

ab laal-e-nau khat us ke kam bakhshte hain farhat

quwwat kahan rahe hai yaquti kuhan mein

yusuf aziz dila ja misr mein hua tha

pakiza gauharon ki izzat nahin watan mein

dair-o-haram se to to tuk garm naz nikla

hangama ho raha hai ab shaikh-o-barahman mein

a jate shahr mein to jaise ke andhi ai

kya wahshaten kya hain ham ne doin pan mein

hain ghao dil par apne tegh-e-zaban se sab ki

tab dard hai hamare ai mir har sukhan mein