مرا احوال چشم یار سوں پوچھ

مرا احوال چشم یار سوں پوچھ

حقیقت درد کی بیمار سوں پوچھ

مرے حال پریشاں کی حکایت

صنم کے زلف کے ہر تار سوں پوچھ

دل پر پیچ کا میرے ہر ایک پیچ

سجن کے چیرۂ بل دار سوں پوچھ

ہمارے عندلیب دل کا مطلب

پیارے کے گل رخسار سوں پوچھ

سدا بے تاب کیوں رہتا ہے داؤدؔ

پیا کے طرۂ طرار سوں پوچھ

mira ahwal chashm-e-yar sun puchh

haqiqat dard ki bimar sun puchh

mire hal-e-pareshan ki hikayat

sanam ke zulf ke har tar sun puchh

dil pur pech ka mere har ek pech

sajan ke chira-e-bal dar sun puchh

hamare andalib-e-dil ka matlab

pyare ke gul-e-rukhsar sun puchh

sada be tab kyun rahta hai daud

piya ke turra-e-tarrar sun puchh