مر رہتے ہیں در پر ترے دو چار ہمیشہ

مر رہتے ہیں در پر ترے دو چار ہمیشہ

ہے جور و جفا تجھ کو سزا وار ہمیشہ

عاشق ترا مرنے کو ہے تیار ہمیشہ

دکھلا نہ مژہ خنجر خوں خار ہمیشہ

اک چھیڑ نکالے ہے نئی یار ہمیشہ

رہتا ہے مرے درپئے آزار ہمیشہ

اللہ سلامت رکھے تیرے لب شیریں

سنوایا کرے باتیں مزے دار ہمیشہ

ہے ڈر سے ترے عالم بالا تہ و بالا

لٹکے ہے تری عرش پہ تلوار ہمیشہ

جوں حلقۂ در در پہ ترے صبح سے تا صبح

رہتا ہے ترا طالب دیدار ہمیشہ

اظہار کروں جس سے میں احوال کو اپنے

احوال تباہ اس کا رہے یار ہمیشہ

mar rahte hain dar par tire do char hamesha

hai jaur-o-jafa tujh ko saza war hamesha

ashiq tira marne ko hai tayyar hamesha

dikhla na mizha khanjar-e-khun khar hamesha

ik chher nikale hai nai yar hamesha

rahta hai mire darpae azar hamesha

allah salamat rakhe tere lab-e-shirin

sunwaya kare baten maze dar hamesha

hai dar se tire alam-e-bala tah-o-bala

latke hai tiri arsh pe talwar hamesha

jun halqa-e-dar dar pe tire subh se ta subh

rahta hai tira talib-e-didar hamesha

izhar karun jis se main ahwal ko apne

ahwal tabah us ka rahe yar hamesha