آج مہندی لگائے بیٹھے ہیں

آج مہندی لگائے بیٹھے ہیں

خوب وہ رنگ لائے بیٹھے ہیں

میرے آتے ہی ہو گئے برہم

کچھ کسی کے سکھائے بیٹھے ہیں

تیغ کھینچی ہے قتل پر میرے

ہاتھ مجھ سے اٹھائے بیٹھے ہیں

میں شکایت جفا کی کرتا ہوں

چپکے وہ سر جھکائے بیٹھے ہیں

دم چرائے ہوئے پڑے ہیں ہم

وہ جو بالیں پہ آئے بیٹھے ہیں

امتحاں کو کہا تو بولے وہ

ہم تمہیں آزمائے بیٹھے ہیں

کس کو نظروں سے آج اتاریں گے

کیوں وہ تیوری چڑھائے بیٹھے ہیں

دیکھیے کب وہ شمع رو آئے

شام سے لو لگائے بیٹھے ہیں

ٹالنا وصل کا جو ہے منظور

خود سے خود منہ تھوتھائے بیٹھے ہیں

سادہ پن میں ہزار جوبن ہے

بال کھولے نہائے بیٹھے ہیں

کون پہلو سے اٹھ گیا انجمؔ

آپ کیوں دل دبائے بیٹھے ہیں

aj mehndi lagae baithe hain

khub wo rang lae baithe hain

mere ate hi ho gae barham

kuchh kisi ke sikhae baithe hain

tegh khinchi hai qatl par mere

hath mujh se uthae baithe hain

main shikayat jafa ki karta hun

chupke wo sar jhukae baithe hain

dam churae hue pare hain ham

wo jo balin pe ae baithe hain

imtihan ko kaha to bole wo

ham tumhen azmae baithe hain

kis ko nazron se aj utarenge

kyun wo tewri charhae baithe hain

dekhiye kab wo shama ro ae

sham se lo lagae baithe hain

talna wasl ka jo hai manzur

khud se khud munh thotha-e-baithe hain

sada pan mein hazar joban hai

bal khole nahae baithe hain

kaun pahlu se uth gaya anjum

ap kyun dil dabae baithe hain