مدرسہ یا دیر تھا یا کعبہ یا بت خانہ تھا

مدرسہ یا دیر تھا یا کعبہ یا بت خانہ تھا

ہم سبھی مہمان تھے واں تو ہی صاحب خانہ تھا

واے نادانی کہ وقت مرگ یہ ثابت ہوا

خواب تھا جو کچھ کہ دیکھا جو سنا افسانہ تھا

حیف! کہتے ہیں ہوا گل زار تاراج خزاں

آشنا اپنا بھی واں اک سبزۂ بیگانہ تھا

ہو گیا مہماں سرائے کثرت موہوم آہ

وہ دل خالی کہ تیرا خاص خلوت خانہ تھا

بھول جا خوش رہ عبث وے سابقے مت یاد کر

دردؔ! یہ مذکور کیا ہے آشنا تھا یا نہ تھا

madrasa ya der tha ya kaaba ya but khana tha

ham sabhi mehman the wan tu hi sahab khana tha

wae nadani ke waqt-e-marg ye sabit hua

khwab tha jo kuchh ke dekha jo suna afsana tha

haif! kahte hain hua gul zar taraj-e-khizan

ashna apna bhi wan ik sabza-e-begana tha

ho gaya mehman sarae kasrat-e-mauhum ah

wo dil-e-khali ke tera khas khalwat khana tha

bhul ja khush rah abas we sabiqe mat yad kar

dard! ye mazkur kya hai ashna tha ya na tha