محبت ماسوا کی جس نے کی گوری کلوٹی کی

محبت ماسوا کی جس نے کی گوری کلوٹی کی

یقیں کیجو کہ کافر ہو کے اپنی راہ کھوٹی کی

محبت ماسوا اللہ کی ہر کفر سے بد تر

فقیروں نے قناعت تب تو برسیلی لنگوٹی کی

قناعت کا خزینہ گر کسی کے ہاتھ لگ جاوے

نہیں پرواہ رکھتا ہے کسی صراف سوٹی کی

دل قانع کے تئیں نان جویں خوشتر ز تر حلوہ

نہیں ہو احتیاج اس کو پلاؤ گوشت روٹی کی

جگر کھانے میں اپنے فائدہ از بس، تو کیا جانے

وہ جانے چاشنی چکھی ہو جس نے دل کی بوٹی کی

تن لاغر براہ عشق بہتر ہے بچا لا کے

کیا مضغے نے کیا حاصل اگرچہ شکل موٹی کی

اب اس دنیا میں دنیا چھوڑ کر رہنا ہی بہتر ہے

کہانی تھی بڑی لیک آفریدیؔ نے تو چھوٹی کی

mohabbat masiwa ki jis ne ki gori kaluti ki

yaqin kijo ke kafir ho ke apni rah khuti ki

mohabbat masiwa allah ki har kufr se bad tar

faqiron ne qanaat tab to barsili langoti ki

qanaat ka khazina gar kisi ke hath lag jawe

nahin parwah rakhta hai kisi sarraf soti ki

dil-e-qane ke tain nan-e-jawin khushtar ze tar halwa

nahin ho ehtiyaj us ko pilao gosht roti ki

jigar khane main apne faida az bas, to kya jane

wo jane chashni chakhi ho jis ne dil ki boti ki

tan-e-laghar barah-e-ishq behtar hai bacha la ke

kya muzghe ne kiya hasil agarche shakl moti ki

ab is duniya mein duniya chhor kar rahna hi behtar hai

kahani thi bari lek afridi ne to chhoti ki