محبت میں مروت کی حکایت کے سخن خالی
انعام اللہ خاں یقینمحبت میں مروت کی حکایت کے سخن خالی
کہ جوں فانوس دل کی شمع بن ہے پیرہن خالی
رہے کب ہوں گے اب تک بستیوں میں نقش شیریں کے
دل اپنا کس سے کرتا ہوگا یاروں کوہ کن خالی
گئی یہ کہہ کر آنے سے خزاں کے پیشتر بلبل
پھر ان آنکھوں سے کیونکر دیکھا جائے گا چمن خالی
موا آگے ہی جل کر شمع سے کیا خوب سمجھا تھا
نہ سکتا دیکھ پروانہ سجن سے انجمن خالی
خسارت ہے یقیںؔ سرکار کی اتنا سخن مت کر
نہ کر ان موتیوں سے جوں صدف اپنا دہن خالی
mohabbat mein murawwat ki hikayat ke sukhan khali
ke jun fanus dil ki shama ban hai pairahan khali
rahe kab honge ab tak bastiyon mein naqsh shirin ke
dil apna kis se karta hoga yaron koh kin khali
gai ye kah kar ane se khizan ke peshtar bulbul
phir in ankhon se kyunkar dekha jaega chaman khali
mua age hi jal kar shama se kya khub samjha tha
na sakta dekh parwana sajan se anjuman khali
khasarat hai yaqin sarkar ki itna sukhan mat kar
na kar in motiyon se jun sadaf apna dahan khali