مجھے پہلے تم اک نظر دیکھ لینا

مجھے پہلے تم اک نظر دیکھ لینا

جدھر چاہے جی پھر ادھر دیکھ لینا

مرے جذب دل کا اثر دیکھ لینا

وہ خود آئیں گے میرے گھر دیکھ لینا

شب وصل تم چھوڑ کر مجھ کو جاؤ

مزا اس کا وقت سحر دیکھ لینا

کسی روز یہ تیر مژگاں تمہارا

کرے گا مرے دل میں گھر دیکھ لینا

تمہیں فتنۂ حشر کہتی ہے دنیا

کوئی تم سے اٹھے گا شر دیکھ لینا

مجھے روز در پر جو دیکھا تو بولے

غضب ہے تمہارا ابھی گھر دیکھ لینا

تمہیں قدر محمودؔ کی کچھ نہ آئی

ملے گا نہ ایسا بشر دیکھ لینا

mujhe pahle tum ik nazar dekh lena

jidhar chahe ji phir idhar dekh lena

mire jazb-e-dil ka asar dekh lena

wo khud aenge mere ghar dekh lena

shab-e-wasl tum chhor kar mujh ko jao

maza us ka waqt-e-sahar dekh lena

kisi roz ye tir-e-mizhgan tumhara

karega mire dil mein ghar dekh lena

tumhen fitna-e-hashr kahti hai duniya

koi tum se uthega shar dekh lena

mujhe roz dar par jo dekha to bole

ghazab hai tumhara abhi ghar dekh lena

tumhen qadr mahmud ki kuchh na ai

milega na aisa bashar dekh lena