محبت ابتدا ہے ہر خبر کی

محبت ابتدا ہے ہر خبر کی

محبت انتہا ہے ہر نظر کی

محبت روشنی قلب و جگر کی

محبت آبرو ہے چشم تر کی

محبت نے فرشتوں کو جھکایا

محبت سے بڑھی وقعت بشر کی

محبت ظلمت شب کی تمنا

محبت آرزو نور سحر کی

محبت پرتو نور ازل ہے

محبت روشنی ہے ہر نظر کی

محبت اک مسلسل درد سر ہے

محبت ہی دوا ہے درد سر کی

محبت آئنہ ہے لفظ کن کا

محبت ہے نظر آئینہ گر کی

منیرؔ اس دل کے پردے میں محبت

تجلی ہے خدائے بحر و بر کی

mohabbat ibtida hai har khabar ki

mohabbat intiha hai har nazar ki

mohabbat raushni qalb-o-jigar ki

mohabbat abru hai chashm-e-tar ki

mohabbat ne farishton ko jhukaya

mohabbat se barhi waqat bashar ki

mohabbat zulmat-e-shab ki tamanna

mohabbat arzu nur-e-sahar ki

mohabbat partau nur-e-azal hai

mohabbat raushni hai har nazar ki

mohabbat ik musalsal dard-e-sar hai

mohabbat hi dawa hai dard-e-sar ki

mohabbat aina hai lafz kin ka

mohabbat hai nazar aina gar ki

munir is dil ke parde mein mohabbat

tajalli hai khuda-e-bahr-o-bar ki