محبت میں تپاک ظاہری سے کچھ نہیں ہوتا

محبت میں تپاک ظاہری سے کچھ نہیں ہوتا

جہاں دل کو لگی ہو دل لگی سے کچھ نہیں ہوتا

یہ ہے جبر مشیت یا مری تقدیر ہے یا رب

سہارا جس کا لیتا ہوں اسی سے کچھ نہیں ہوتا

کوئی میری خطا ہے یا تری صنعت کی خامی ہے

فرشتے کہہ رہے ہیں آدمی سے کچھ نہیں ہوتا

ترے احکام کی دنیا مرے اعمال کا محشر

یہاں میری وہاں تیری خوشی سے کچھ نہیں ہوتا

رضا تیری لکھا تقدیر کا میری زیاں کوشی

کسی کی دوستی یا دشمنی سے کچھ نہیں ہوتا

mohabbat mein tapak-e-zahiri se kuchh nahin hota

jahan dil ko lagi ho dil lagi se kuchh nahin hota

ye hai jabr-e-mashiyyat ya miri taqdir hai ya rab

sahara jis ka leta hun usi se kuchh nahin hota

koi meri khata hai ya tiri sanat ki khami hai

farishte kah rahe hain admi se kuchh nahin hota

tire ahkam ki duniya mire aamal ka mahshar

yahan meri wahan teri khushi se kuchh nahin hota

raza teri likha taqdir ka meri ziyan koshi

kisi ki dosti ya dushmani se kuchh nahin hota