محبت میں زباں کو میں نواسنج فغاں کر لوں

محبت میں زباں کو میں نواسنج فغاں کر لوں

شکستہ دل کی آہوں کو حریف ناتواں کر لوں

نہ میں بدلا نہ وہ بدلے نہ دل کی آرزو بدلی

میں کیوں کر اعتبار انقلاب ناتواں کر لوں

نہ کر محو تماشا اے تحیر اتنی مہلت دے

میں ان سے داستان درد دل کو تو بیاں کر لوں

سبب ہر ایک مجھ سے پوچھتا ہے میرے ہونے کا

الٰہی ساری دنیا کو میں کیوں کر رازداں کر لوں

mohabbat mein zaban ko main nawasanj-e-fughan kar lun

shikasta dil ki ahon ko harif-e-natawan kar lun

na main badla na wo badle na dil ki arzu badli

main kyun kar etibar-e-inqilab-e-natawan kar lun

na kar mahw-e-tamasha ai tahayyur itni mohlat de

main un se dastan-e-dard-e-dil ko to bayan kar lun

sabab har ek mujh se puchhta hai mere hone ka

ilahi sari duniya ko main kyun kar razdan kar lun