محبت میں زیاں کاری مراد دل نہ بن جائے

محبت میں زیاں کاری مراد دل نہ بن جائے

یہ لا حاصل ہی عمر عشق کا حاصل نہ بن جائے

مجھی پر پڑ رہی ہے ساری محفل میں نظر ان کی

یہ دل داری حساب دوستاں در دل نہ بن جائے

کروں گا عمر بھر طے راہ بے منزل محبت کی

اگر وہ آستاں اس راہ کی منزل نہ بن جائے

ترے انوار سے ہے نبض ہستی میں تڑپ پیدا

کہیں سارا نظام کائنات اک دل نہ بن جائے

کہیں رسوا نہ ہو اب شان استغنا محبت کی

مری حالت تمہارے رحم کے قابل نہ بن جائے

mohabbat mein ziyan kari murad-e-dil na ban jae

ye la hasil hi umr-e-ishq ka hasil na ban jae

mujhi par par rahi hai sari mahfil mein nazar un ki

ye dil dari hisab-e-dostan dar dil na ban jae

karunga umr bhar tai rah-e-be manzil mohabbat ki

agar wo astan is rah ki manzil na ban jae

tire anwar se hai nabz-e-hasti mein tarap paida

kahin sara nizam-e-kainat ik dil na ban jae

kahin ruswa na ho ab shan-e-istighna mohabbat ki

miri halat tumhare rahm ke qabil na ban jae