مجھے دے کے دل جان کھونا پڑا ہے

مجھے دے کے دل جان کھونا پڑا ہے

غرض ہاتھ دونوں سے دھونا پڑا ہے

جو رونا یہی ہے تو پھوٹیں گی آنکھیں

مجھے اب تو آنکھوں کا رونا پڑا ہے

کیے سیکڑوں گھر محبت نے غارت

سنو جس محلے میں رونا پڑا ہے

میں پاتا نہیں دل کو سینے میں اپنے

کئی دن سے خالی یہ کونا پڑا ہے

کرو چل کے آباد اب گور اے رندؔ

بہت دن سے سونا وہ کونا پڑا ہے

mujhe de ke dil jan khona para hai

gharaz hath donon se dhona para hai

jo rona yahi hai to phutengi ankhen

mujhe ab to ankhon ka rona para hai

kiye saikron ghar mohabbat ne gharat

suno jis mohalle mein rona para hai

main pata nahin dil ko sine main apne

kai din se khali ye kona para hai

karo chal ke abad ab gor ai rind

bahut din se sona wo kona para hai