محبت میں ٹھنی اکثر یہاں تک

محبت میں ٹھنی اکثر یہاں تک

کہ پہنچے معرکے تیر و کماں تک

چلے ناوک کھنچی ظالم کماں تک

کہاں تک امتحاں آخر کہاں تک

چلے جاتے ہیں آواز جرس پر

پہنچ جائیں گے بچھڑے کارواں تک

ہوائے شوق کے جھونکے سلامت

رہوگے تم پس پردہ کہاں تک

نہ وہ عیار مجھ سے پوچھتا ہے

نہ دل کی بات آتی ہے زباں تک

اسی سر کو سر شوریدہ کہیے

جو پہنچے اس کے سنگ آستاں تک

نیاز و ناز کے چرچے رہیں گے

ہماری اور تمہاری داستاں تک

مبارکؔ کو کوئی دن اور سن لو

بیاں کا لطف ہے اس خوش بیاں تک

mohabbat mein thani aksar yahan tak

ke pahunche marke tir-o-kaman tak

chale nawak khinchi zalim kaman tak

kahan tak imtihan akhir kahan tak

chale jate hain awaz-e-jaras par

pahunch jaenge bichhre karwan tak

hawa-e-shauq ke jhonke salamat

rahoge tum pas-e-parda kahan tak

na wo ayyar mujh se puchhta hai

na dil ki bat ati hai zaban tak

isi sar ko sar-e-shorida kahiye

jo pahunche us ke sang-e-astan tak

niyaz-o-naz ke charche rahenge

hamari aur tumhari dastan tak

mubarak ko koi din aur sun lo

bayan ka lutf hai is khush bayan tak