محبت سے بندہ بنا لیجئے گا

محبت سے بندہ بنا لیجئے گا

بتا دیجیے کیا خدا لیجئے گا

کہاں تک یہ چھلا چھپول رہے گی

بتا دیجیے ہم سے کیا لیجئے گا

اگر کھوٹی الفت سے ہے تم کو دھوکہ

کسوٹی پر اس کو چڑھا لیجئے گا

گلوری رقیبوں نے بھیجی ہے صاحب

کسی اور کو بھی کھلا لیجئے گا

مچلکے کا کیوں نام آیا زباں پر

محبت کا ہم سے لکھا لیجئے گا

کسی اور سے پھر نہ کیجے گا الفت

یہ قیمت ہے پہلے چکا لیجئے گا

خفا کیجیئے اب نہ اخترؔ کو صاحب

یہ دل لیجئے اور کیا لیجئے گا

mohabbat se banda bana lijiye ga

bata dijiye kya khuda lijiye ga

kahan tak ye chhila chhupawwal rahegi

bata dijiye ham se kya lijiye ga

agar khuti ulfat se hai tum ko dhoka

kasauti par us ko charha lijiye ga

gilauri raqibon ne bheji hai sahab

kisi aur ko bhi khula lijiye ga

muchalke ka kyun nam aya zaban par

mohabbat ka ham se likha lijiye ga

kisi aur se phir na kije ga ulfat

ye qimat hai pahle chuka lijiye ga

khafa kijie ab na akhtar ko sahab

ye dil lijiye aur kiya lijiye ga