مجھے دل کی خطا پر یاسؔ شرمانا نہیں آتا

مجھے دل کی خطا پر یاسؔ شرمانا نہیں آتا

پرایا جرم اپنے نام لکھوانا نہیں آتا

مجھے اے ناخدا آخر کسی کو منہ دکھانا ہے

بہانہ کر کے تنہا پار اتر جانا نہیں آتا

مصیبت کا پہاڑ آخر کسی دن کٹ ہی جائے گا

مجھے سر مار کر تیشے سے مر جانا نہیں آتا

دل بے حوصلہ ہے اک ذرا سی ٹھیس کا مہماں

وہ آنسو کیا پیے گا جس کو غم کھانا نہیں آتا

سراپا راز ہوں میں کیا بتاؤں کون ہوں کیا ہوں

سمجھتا ہوں مگر دنیا کو سمجھانا نہیں آتا

mujhe dil ki khata par yas sharmana nahin ata

paraya jurm apne nam likhwana nahin ata

mujhe ai nakhuda akhir kisi ko munh dikhana hai

bahana kar ke tanha par utar jana nahin ata

musibat ka pahar akhir kisi din kat hi jaega

mujhe sar mar kar teshe se mar jana nahin ata

dil-e-be hausla hai ik zara si thes ka mehman

wo ansu kya piye ga jis ko gham khana nahin ata

sarapa raz hun main kya bataun kaun hun kya hun

samajhta hun magar duniya ko samjhana nahin ata